Latest – تازہ ترین

امریکی فوج کی مرکزی کمان (سینٹکام) نے دعویٰ کیا ہے کہ امریکی افواج نے جزیرہ خارگ کے ساحل کے قریب پاسدارانِ انقلاب کے دو تیل بردار جہازوں جبکہ خلیجِ عمان میں ایک خالی ایرانی آئل ٹینکر کو مکمل طور پر تباہ کر دیا ہے۔ سینٹکام کے مطابق یہ کارروائی پاسدارانِ انقلاب کی جانب سے امریکی بحریہ کے دو جنگی جہازوں کو نشانہ بنانے کی کوشش کے بعد کی گئی تھی۔

میجر جنرل فیصل نصیر پہلے ایسے فوجی افسر بن گئے ہیں جنھیں سویلین ادارے نیکٹا کا سربراہ تعینات کیا گیا ہے۔ اس ادارے کے قیام کے بعد سے اس کی سربراہی پولیس سروس کے افسران کے پاس رہی ہے۔ ان میں وہ افسران بھی شامل تھے جنھوں نے خفیہ ایجنسی انٹیلیجنس بیورو (آئی بی) کی بھی باگ ڈور سنبھالے رکھی۔

محسن نقوی نے نئے صوبوں سے متعلق اپنے گذشتہ بیان کا حوالہ دیتے ہوئے کہا کہ ’کسی نے اسے موجودہ حکومت سے جوڑا تو کسی نے ایک سیاسی جماعت سے جوڑ، میرا اشارہ نہ تو کسی سیاسی جماعت کی طرف تھا اور نہ کسی اور طرف تھا۔‘

رمابائی نے کبھی ریس لگانے کی باقاعدہ تربیت حاصل نہیں کی تھی۔ ان کے پاس نہ کھیلوں کے جوتے تھے اور نہ ہی ٹریک سوٹ۔ ان کا لباس صرف ایک ساڑھی تھا اور پاؤں میں عام سینڈل تھیں لیکن ان کے اندر ممتا نے ان کو تین کلو میٹر کی ریس جیت جانے کی لگن اور ہمت دی۔

کینیا میں موجود ٹاٹا کمپنی کا کہنا ہے کہ مگاڈی کے اطراف میں اس کے سماجی منصوبوں سے لگ بھگ 30 ہزار افراد مستفید ہوتے ہیں۔ ان منصوبوں میں پانی، صحت، تعلیم، بنیادی ڈھانچے اور دیگر سہولیات کی فراہمی شامل ہے تاہم صدر ولیم روٹو نے ٹاٹا کمپنی پر ملک کے وسائل بیرون ملک لے جانے کا الزام عائد کیا ہے۔

افغانستان ریپبلکن فرنٹ (اے آر ایف) 2021 میں طالبان کی واپسی کے بعد ابھرنے والا پہلا نمایاں مخالف مسلح گروہ بن کر سامنے آ رہا ہے، جس کی بنیاد زیادہ تر ہزارہ برادری پر مشتمل ہو سکتی ہے۔ گروہ نے اب تک طالبان کے خلاف 22 حملوں کی ذمہ داری قبول کی ہے، جن میں سے زیادہ تر وسطی افغانستان اور کابل کے ہزارہ اکثریتی علاقوں میں ہوئے۔

پاکستان میں پمز جیسے خوف ناک واقعات پیش آنے کے بعد ہی کیوں ردِ عمل دکھایا جاتا ہے؟ پچھلے واقعات سے سبق کیوں نہیں سیکھا جاتا؟

جس واقعے کو سکول میں اساتذہ مسالوں کی زیادتی سمجھ رہے تھے اس کی حقیقت جاننے کے بعد نہ صرف ایک طالبہ سے سخت پوچھ گچھ ہوئی بلکہ ایک شخص کو گرفتار بھی کیا گیا ہے۔

طبی جریدے دی لانسیٹ میں شائع ہونے والے اپنے مقالے میں ڈاکٹروں نے لکھا ہے کہ ’یہ کیس گردے کی کلینیکل زینو ٹرانسپلانٹیشن سے وابستہ ممکنات یا امکانات اور چیلنجز، دونوں کو واضح کرتا ہے۔‘ ان کے مطابق یہ تجربہ اس بات کی امید دلاتا ہے کہ مستقبل میں جانوروں کے اعضا انسانی مریضوں کے لیے عارضی یا مستقل علاج کا ذریعہ بن سکتے ہیں، تاہم اس شعبے میں اب بھی کئی سائنسی اور طبی سوالات کے جواب تلاش کرنا باقی ہیں۔

ڈونلڈ ٹرمپ کی تصویر اب ایک امریکی سکّے پر دکھائی دے گی جو امریکی اداروں پر اپنی ذاتی چھاپ چھوڑنے کی امریکی صدر کی جانب سے کی گئی تازہ ترین کوشش ہے۔